MANDARAYA AT ANG DINADAYA BOW!!! (PART II)

GANITO ANG LUMILITAW NA ESTRAKTURA NG KURAKOT, MAY MANDARAYA AT MAY DINADAYA AT SA PAGITAN NITO AY MAY TAONG NAKIKINABANG. AT KASAMA NG MGA DINADAYA AY ANG NAPAKARAMING NADADAMAY. MAARING DINAYA NG ISANG CONTRACTOR ANG OPISINA NG PUBLIC WORKS, PERO LAHAT NG PASAHERO AY DAMAY SA LUBAK AT SIRA NA KALSADA. ALAM KO YAN DAHIL NAKAPAGTRABAHO AKO SA DPWH.

KUNG TUTUUSIN, BATA PA AY NATUTUNAN NA NATIN ITONG PANDARAYA. MAY MGA MAGULANG NA SILA LANG ANG GUMAGAWA NG TAKDANG ARALIN NG KANILANG ANAK, O NAG-AALOK NG REGALO KAY MAM AT SIR PARA LANG MAKALUSOT. ANG GANITONG UGALI AY AY NAGIGING UGALI AT ANG GANITONG UGALI AY NAGIGING SISTEMA, AT ANG GANITONG SISTEMA AY LUMALAGANAP BILANG KULTURA, KULTURA NA PWEDENG MANAHIN NG KAHIT SINO. KAYA NGA KUNG MINSAN KAHIT SA MGA NGO O SA MGA RELIHIYOSONG INSTITUSYON MAY KORUPSYON DIN TAYONG NABABALITAAN.

ANG MASAMA PA, PARANG WALA NA TAYONG PAHALAGA SA SALITA. SARILING PIRMA SA TSEKE, AYAW KILALANIN, SARILING PANGAKO, HINDI TINUTUPAD, MARAMI TAYONG PARAAN NG PAGLUSOT.

AYON SA MARAMING MANANALIKSIK, SINISIRA NG GANITONG SISTEMA O KULTURA NG KORUPSYON SA LIPUNAN ANG ATING MGA INSTITUSYON. NAWAWALAN TULOY TAYO NG PANINIWALA SA ATING SARILI. KAYA NGA MARAMI SA ATING NGAYON MAS NINAIS PANG MAGTRABAHO SA IBANG BANSA.

ANG TALAGANG MASAKIT, ANG PANDARAYA AY PAGSIRA SA MUKHA NG MGA DUKHA. SILA PALAGI ANG NADADAMAY. MAS NAAPEKTUHAN NG KORUPSYON ANG "HINDI MALAKAS" SA LIPUNAN, MGA MANGGAGAWA, LALO NA ANG KABABAIHAN ANG ANG MGA KABATAAN. NAIIPIT DIN ANG MGA KARANIWANG TAO NA NAGSISIKAP LAMANG NA "MAMUHAY NANG MARANGAL".

MAPALAD PA RIN TAYO, DAHIL PAMINSAN-MINSAN, MAY LUMILITAW NA MGA TAONG MAY PRINSIPYO, MAY PANININDIGAN.

Layunin po natin ang magbigay ng impormasyon sa nakararami, sa lahat ng nais magbigay ng kanilang kontribusyon, suhestiyon o kung ano pa man mag email sa yaaki2010@yahoo.com

Ang ating organisasyon ay bukas sa sinumang may nais na makiisa at maging kabahagi nito. Lumiham lamang sa yaaki2010@yahoo.com